دعوي حضانة
بالبوكس
دي علشان كلامك دا
والتاني
ودي علشان الرهان
التالت
ودي علشان خطڤك لابني
وفضل يضرب فيه وفين يوجعك يا شادي
والعقربه ريهام خرجت تصرخ علشان يلحقوا شادي
يلحقوا اي عمر خلص عليه خلاص
_انطق ابني فين خلص ابني فين وأما والله اقټلك يا شادي وانا عند كلامى وانت عارف
_هتكلم خلاص
_ابنك في مخزن الشركه بتاعتك القديم
_اي!
ازاي دانا في الشركه على طول يعنى ابني كان جنبي وانا مش عارف
_ههههههه انها الخدعه يا عزيزي يا صديقي
قام عمر ضربه تاني وتف عليه ومشي وقابل ريهام وتف عليها وقال
_رخيصه
ومشي وسابها...
مشي بسرعه ووصل الشركه
دخل بسرعه على المخزن القديم اللي تقريبا محدش كان بيروحوا خالص وكان بعيد عن المبني الرئيسي اللي هوا اصلا مفيهوش امن وشادي طلع ذكي في الحته دي
جهز نفسه واتأكد انو لوحده دا مش هيقدر عليهم جاب الأمن وكانوا معاه واتصل بالبوليس
_يارب معانا يارب...
دخل وبدأ ضړب في اول واحد والتاني والأمن معاه وخلصوا عليهم جامد يا عمر
ووصل لباب مقفول عرف أن يحيي جوا
حاول يكسره مره والتانيه لحد متفتح..
قرب عليه بقلب مكسور
_يحيي
يحيي بصله
وبدأ يبكي
وقام وجري عليه
وحضنه وعمر كأن الدنيا ضحكتله تاني بالحضن دا
_وحشتني يا يحيي وحشتني اووي قلب ابوك كان تعبان يا حبيبي والله مش هسيبك تاني يا قلبي
_ولا انا يا بابا مش هسيبك
_اه يا يبابا وحشتني اووي الناس اللي هنا شريره خدني معاك متسبنيش تاني بحبك اووي يا بابا
_وانا كمان بحبك يا قلب بابا
وشاله وخرج
والبوليس جه وعمر قابل الظابط
_مين اللي خطفه يا استاذ عمر
_معرفش ممكن تاخدوهم تعرفوا منهم انا عرفت مكان ابني صدفه مش اكتر
طبعا كلكو مستغربين مني اه يجماعه انا مش بياع ومش هرمي صحابي كدا هتقولولي دول خطفوا ابنك وبهدلوك بس بيقولك اعرف صاحبك وعلم عليه متأذهوش علشان انت اللي هتتعب مش هوا بس كدا...
خدت يحيي عالبيت
ونور قابلتنى وهى واخده الشنطه بتاعتها وماشيه
يخساره يا نور كنت حاسس ان هيكون في حاجه كنت حاسس بشعور غريب ناحيتك بس الحمد لله..
_نور
_نعم
_هوا انتى كنتي بتداري وشك مني لي وكنتي بتبصيلي النظرات الغريبه دي لي ولي عملتي كدا
_ملهاش لزوم تعرف
_لا عرفيني
_انا كنت بنت يعنى كباريهات وكدا وكل اللي نفسك فيه بس في يوم قابلتك وشوفت حبك لريهام وحقيقي اتمنيت أن حد يحبني كدا الكلام دا كان من حوالي ٦سنين انا بدأت أفكر معقول في يوم من الايام هلاقي حد يحبني كدا..
وبدأت بقى اتغير لحد مجيت في مرة ولبست في قضية اداب من تلات سنين كدا وقابلت شادي اللي كان اصلا شغال مع الناس دي وطلعني بس باتفاق انى اشتغل معاه وبدأت اشتغل معاه في كل حاجه بقيت مساعده ليه لحد محبيته هوا مش حبيته هوا مش لاقيه غيره انا عوزا زي الشخص اللي قابلته بس طبعا انا عمري مهكون نضيفه علشان يجيلي حد كدا فمكنش قدامي الا شادي لحد مجه الدور عليك واول لما شوفتك حسيت اني هضيع اكتر معقول انت اللي هعمل فيك كدا وطبعا بحكم ذلي وبحكم شغلي وان شادي كان ماسك عليا فيديوهات ومازال انا كملت معاه وريم اتصاحبنا في الخطه دي وقالتلي انها هتسفرني وهشتغل معاها في شغل محترم وانا دلوقتي رايحالها يمكن حالى ينصلح
_ياااااه دا كلو مش هقولك غير ربنا يصلحلك حالك ويبعدك عن الحرام
_في حاجه كمان
_اي هي
_في أن ورا شادي ناس كتير وراس كبيره بيحقدوا عليك وعلى شغلك وكل حاجه فخلى بالك أنا بحذرك بس
_تمام شكرا
_باي يا يحيي هتوحشني صدقني انا حبيت يحيي بجد ربنا يخليهولك
مشيت وانا سرحت اوقات كتير بتحس انك تايه وأن الدنيا جايه عليك وان الظروف بتجبرك انك تتحط في مواقف بايخه اووي وحقيقي الدنيا صعبه والحياه بقت صعبه وصعب جدا انك تقابل صاحب جدع...!
طلعت بيحيي لماما وفرحت جدا وخدته في حضنها وافتكرت كلامها ليا زمان
يا ابني حب اللي شبهك ومن توبك ملكش دعوة باللي نافخه نفسها دي
كانت مراية الحب عاميه فعلا كنت تايه وعاندت امي منا ماشي بقلبي وكفى وكنت لسه في أول طريقي وعاوز اعتمد على نفسي في افكاري واختار كل حاجه بنفسي حتى شريكه حياتي !
لقيت نفسي بوطي على أيدها ببوسها
_انا اسف يا امي انى مسمعتش كلامك من الاول اسف انى ډمرت حياتى بايدي
_متتأسفش يبني دا قضاء وقدر وربنا شايلك الاحسن صاحب يحبك وبنت تصونك
_لا انا مبقتش عاوز حد خلاص انا تعبت
_عوض ربنا جاى...
بعد فتره
كنت قاعد في المكتب بعد مكنت بكلم ماما وبتطمن علي يحيي فتحت الفون شويه بقلب في الاخبار اليوميه
اڼصدمت من اللي شوفته....!
يارا_عبد_السلام
الاسكريبت الجزء الحادى عشر. دعوى_حضانه
كنت قاعد في المكتب بعد مكنت بكلم ماما وبتطمن علي يحيي فتحت وتيجي شويه بقلب في الاخبار اليوميه
اڼصدمت من اللي شوفته....!
اڼصدمت لما شوفت أن الاخبار بتتكلم عن شبكه دعاره بيترأسها المحامى المشهور شادى حجازي مع مجموعه شهيره من رجال الأعمال منهم محمود عطاالله اټصدم معقول شادي وحماه أو اللي كان حماه بيشتغلوا الشغل دا وافتكر كلام نور أن شادي مش لوحده وفي ناس أكبر منو وبيساعدوه في دا..
لي يا شادي تعمل كدا في نفسك دا كلو علشان الفلوس والشهره يا خساره يا شادي يا خساره....
في الوقت دا دخل حازم
اه نسيت اقولكوا أن حازم جالى واعتذر وانا قبلت بس طبعا مش هأمن تاني اعرف صحبك وعلم عليه بس كدا وشغلتوا معايا في الحسابات لانى عارف انو هيفيدني علشان حازم من الناس الشاطرة في الشغل دا وكمان انا متابعه دائما...
_الحق يا عمر شوفت الاخبار
_اه شوفت
_دول حرفيا طلعوا عصابه الحمد لله أن ربنا نجاك منهم وخدلك حقك
_ربنا عمره مبيخذل مظلوم أو بيرد دعوة مظلوم وانا اتظلمت وهم السبب وتعبونى جامد والحق رجعلى وانا قاعد في مكتبي
_الحمد لله يا صاحبي دول ناس حقوده
_حازم انا قولتلك مليون مره متقولش صحبك دي لانك مش صاحبي ولا بقيت صحبي انت شغال عندى انا سامحتك بس لسه مصفتش من ناحيتك ودا الاهم
_والله يا عمر انا مكنش قصدى حاجه في كل دا انا اسف تاني ونالت وهفضل اتاسف لحد متسامحني
_المهم انا عاوزك تنزل اعلان على وظيفة مساعده او مساعد مش هتفرق المهم يبقى عنده المؤهل لدا
_وهتعمل اي مع ريهام دا المحكمه بعد اسبوع
_سيبهالي ابوها اتسجن وبقاش حد معاها هتاخد قرشين وهتحل عنى وعن ابني والا ھفضحها وهي عارفه انا ممكن اعمل اي
_تمام اللي تشوفه
_ماشي خلص الموضوع اللي كلمتك عليه وكلمنى
_ماشي سلام
بعد لما حازم خرج سرحت شويه في المستقبل المجهول اللي مش عارفله مله وتخيلت شويه أن ريهام خدت يحيي وانا اتحرمت منه لقيت نفسي قمت
