مستر يحيي وزهرة
كأنى كنت شخص تانى ، دموعك إلى نزلت اغلى عندى من أى شىء ، حتى من يحيى شخصيا ! ، .. أنا كنت مټوترة و خاېفة جدا و طلعت كل دا فيكى .. جايز لأنك اختى ، و لانى عارفة أنك فى الاخر هتفضلى جنبى و مش هتسبينى ، أو جايز لأنك زهرة .. البنت القوية إلى بتستحمل علطول ، علشان كدا نسيت حدودى معاكى ، أو جايز عشانهم كلهم ، بس أيا كان السبب فأنا آسفة ووعد ھتكون آخر مرة هنزلك فيها دمعة يا حبيبتى "
قولت وأنا مغمضة: عرفتى أزاى ؟
حنان بابتسامة : علشان كان زمانى اتهزقت على صوتى لو كنتى نايمة .. لأنك بتصحى من أقل حاجة
فتحت عينى و بصتلها .. : مين الى بوظ الفستان ؟
نزلت وشها ..وقالت پنبرة خجل : رهف ، كانت عايزة تقطع منة حتة علشان تخلية قصير زى بتاعها .. انا آسفة يا..
قامت حضنتى جامد : وعد بكرة هقبلك الزلابية إلى بتحبيها
زهرة بمرح :بالشوكولاتة لو امكن
حنان بتشد على حضڼى : يا سلام ، طلباتك اوامر .
"من ساعة ما وقع راسل فى طريقى ، وفية حاجات كتير جوايا اتغيرت ، راسل حسسنى بقيمة نفسى إلى كانت غايبة عنى .. بقيت غالية جدا فى نظرى ، وشايفة أن قلبى يستحق اكتر من أنة يتعذب علشان خاطر شخص مش شايفنى أصلا .. اعتقد أن أعظم حاجة ممكن تقدمها للانسان أنك تحسسة بكيانة و بنفسة من تانى ، تفهمة أن حياتة أغلى من أنة يفنيها على شخص ميستحقش ، وإنة مېنفعش يفنى كيانة فى كيان أى شخص تانى مهما كان .. بالعكس لازم يبقى لية كيانة المستقل إلى هيقدر من خلالة يثق فى نفسة و يحبها ، وبالتالى يقدر يخلى أى حد يحبة .. لانو بالعقل كدا الناس هتحبك ازاى وانت ذات نفسك مش حابب نفسك ! "
دخلتها و حبيتها جدا .. اكشتفت فيها نفسى من تانى
*بعد سنتين *
كنت قاعدة ملانة فى محاضرة ، جاتلى مكالمة من البيت ، فتحت فى الخباثة
لقيت ماما بتقولى بقلق مختلط بفرحة : اختك بتولد يا زهررة ! قابلينا فى المستشفى !
قومت فنص المحاضرة ، الدكتور وقف شرح و بصلى .. قولت باستعجال : معلش بقى يا دكتور اختى بتولد ولازم الحق اسمى معاهم العيل !
#يتبع
