صدمني الجميع
اللى كانت لابساها
يا خسارة الشنطه ضاعت وفيها الفلوس
منك لله يللى كنت السبب
وقامت من مكانها بسرعه
قبل ما الشاب يرجع وخرجت على أول الطريق
وخدت ميكروباص لاقرب مكان هى تعرفه
المهم انها تخرج من المنطقه خالص
اما الشاب رجع، وحوريه ليس لها اى اثر
استغرب لدرجه انه اعتقد انها جنيه
الشاب بيكلم نفسه.. اكيد جنيه
بس مفيش جنيه بتطلع بالنهار
وضـ،ـرب كف على كف ورجع على بيته
وهو فى حاله ذهول من اللى حصل
حوريه راكبه الميكروباص وبتفكر
وبتكلم نفسها
معقول كل اللى حصل ده
انا يحصل معايا كده
منك لله.. تعبى كله راح
وفى الاخر حته واد هلفوت عاطل ومالوش
لازمه كان عاوز يمسكنى
ويبلغ عنى وكنت هروح فى داهيه
واموال عامه والحوار يكبر
وانا معملتش حاجه
غير انى لميٹ شوية فلوس علشان اخواتى
بس الحمد لله ربنا ستر
وبردوا مش عارفه اعمل ايه بعد ما الفلوس ضاعت واتصرف ازاى بعد ما قولت لمامى
انى راجعه بفلوس وأكل
اتصرف ازاى يارب
واعمل ايه بجد انا تعبت خلاص
سواق الميكروباص كان وصل
حوريه نزلت ومشيت فى الشارع وكانت حاسه
بالتعب وفى نفس الوقت بالعجز لانها
مش قادره تتصرف
ولا تعمل حاجه لأهلها
وشافت شجره فى الطريق وقعد تحتها
وبقت تفكر فى اللى حصل معاها وبداخلها.
الحمد لله ان المكان كان شبهه مھجور
ومحدش شافنى خالص غير الشاب
اللى انقذنى
ربنا يباركله.. يااه ده انا نسيت اسأله
حتى عن اسمه
وقعد تفكر وتفكر
وافتكرت كلام الراجل المتسول
لما قالها هترجعى يا حوريه وتنفذى المطلوب
وقالت... انا فعلا شكلى هرجعلو تانى
لأنى مش لاقيه حل فى المصيبه اللى انا فيها
حتى الشغل مش لاقيه ولو لقيت شغل
واشتغلت.. لسه المرتب قدامه شهر
طيب ومامى وبابى واخواتى الصغيرين هيعملوا ايه؟.. مسكت الفون وعملت مكالمه
لبنت كانت بتشتغل فى بيوتى سنتر وهى تعرفها
علشان تشوف فى شغل ولا لأ
ولما البنت رددت عليها افتكرت
انها عاوزها فى الفيلا عندهم علشان تعمل لها
مانيكير وبدكير كالعاده
حوريه اتحرجت ومتكلمتش عن الشغل
بس قالت إنها كانت بتطمن عليها ولما تحتاجها
هتتصل بيها وقفلت معاها
وبعد المكالمه دى حست ان الدنيا
كلها اتقفلت فى وشها وبعد تفكير
وقامت من مكانها وراحت لحد قصر ايوب
ولما وصلت ملقتش المتسول قاعد
وقالت.. ياه اومال راح فين الراجل ده
وقعدت مكانه علشان تستناه
وشافت أيوب واخته سالى خارجين من القصر
استخبت منهم علشان محدش فيهم
يسألها هى قاعده ليه!
وبعد ساعات.. كان الليل ليل وبقت الساعه 8 مساءا
حوريه بتكلم نفسها.. انا هقوم أمشى علشان الوقت اتأخر واكيد مامى قلقانه عليه
ولسه هتقوم من مكانها
ايد لمست كتفها
