اربي ابنه

ـ اتجوزني عشان اربيله ابنه «٥»
معتز بع.صبيه
وما قولتليش ليه، ولا مش شايفه انك متجوزه راجل عشان تخبي..

مريم بقلق من عص.بيته قالت
خلاص يا معتز الموضوع مش مستاهل العص.بيه دي كلها..

فاروق بحده
خلاص حصل خير كلمو اكل يلا..

فريده 
والله وطلعتي بتعرفي تطبخي يا مريم، اومال لما كنت بقولك ادخلي المطبخ تقوليلي ما بعرفش ليه..

الفت
طيب ده عندك انتي، انما مريم معايا انا حاجه تاني..

كانت مريم بتبص لمعتز بقلق، وقام هو فجأه وقال وكان باين عليه انه مدايق جدا..

معتز
معلش يا جماعه بالهني والشفي علي قلبكم بس انا ماليش نفس..

مشي معتز وقال فاروق با.حراج
ااا هو الولد ده كده من يومه نك.دي، تخيلي يا مدام فريده  كانت الفت وهي حامل فيه طول التسع شهور تسمع اغنية كتاب حياتي يا عين لحد ما خلت الولد مش طايق نفسه..

_ضحكو كلهم وقعدو مع بعض شويه ومشيت فريده وايام كان نام علي الكنبه، قربت منه مريم عشان تاخده بس الفت قالت ليها..

الفت 
خليه نايم هنا يا حبيبتي واطلعي انتي..

مريم بتوتر
ااا لا لا معلش خليني اخده انا اتعودت عليه يبقي جنبي..

الفت
يا بنتي جوزك شكله مدايق بسبب اللي حصل بڈم ..ا تاخدي الولد وهو نايم وتتخان.قو ويصحي مفز.وع خليه عندي النهارده..

مريم بڠيظ
ما هو. حضرتك السبب علي فكره..

الفت بقلق
انا السبب ليه والله ما عملت حاجه

مريم ردت عليها وقالت 
حد قالك تسمعي حسن الاسمر، ماله عباسط حموده وحسام حسني بتاع كل البنات بتحبك اشتكو في ايه دول..

ضحكت الفت وقالت 
لما ربنا يكرمك وتحملي هتعرفي ان دي هرمونات لوحدها..

ابتسمت ليها مريم وقالت 

الفت 
وانتي من اهل الخير يا حبيبتي وما تزعليش من معتز هو طيب وغلبان والله..

مريم 
حصل بس انتي معرفتيش تربيه.