صديقتي
هخرج ازاي دلوقتى هقول لمحمد ايه انا لازم اخترع اي حجه بس ايه هي
خرجت من اوضتي وانا خايفة ومش عارفة هقول ايه لمحمد طلعت برا ملقتش محمد برا نديت عليه مردش قولت اكيد خرج الحمدالله دلوقتى اخرج واشوف ايه حكاية البواب ده
اخدت تاكسي ووصلت عند عنوان سلمي وهناك لقيت البواب مستنيني نزلت قدام العمارة
داليا: الأول قولي انت مين وجبت رقمي منين وانت مش قولتلي ان احمد يوسف معندوش بنات
البواب: بصراحة انا خوفت من حضرتك لانه من بعد مoت الآنسة سلمي وفي ناس بتيجي تسأل عن
باباها ومامتها وفي شرطة وصحافة بيجو يسألو فااطريت اقولك انه معندوش بنات بس بعد ماحضرتك مشيتي انا طلعت شقة الاستاذ أحمد هو سابلي نسخة من المفتاح وسافر هو وعيلته بس قالي متقولش لأي حد عن مكاني لان حياته في خطړ
داليا: انا مش فاهمة حاجة ممكن تفهمني كل حاجه براحة
البواب: مش هينفع نتكلم هنا تعالي معايا
البواب: دي شقة الاستاذ أحمد تعالي معايا
دخلنا الشقة وكان باين فيها عفش قديم وخيم في السقف وعفار كتير قالي دي اوضة الست سلمي
دخلت اوضة سلمي وكان متعلق فيها صورها وكل حاجتها فيها كأنها موجودة فتحت دولابها لقيت هدومها متعلقة ولقيت كتب الثانوية اللي كانت بتذاكر فيها فضلت ابكي كتير عليها وافتكرت لما العربية خبطتها وهي قدامي
داليا: دي صورتي انا وسلمي احنا كنا متصورينها سوا لما كنا رايحين نقدم في الثانوية
بلف الصورة لقيت رقمي ورقم سلمي مكتوبين عليها
افتكرت لما الفون بتاعي ضاع ومحمد جابلي فون جديد وخط جديد وساعتها سلمي قالتلي هاتي رقمك الجديد وكتبتلها رقمي وهي كتبت رقمها وعملنا عليهم قلب وضحكنا كتير
البواب: لما شوفت صورتك انتي والست سلمي اتأكدت انك صحبتها ولازم تعرفي ايه اللي حصلها
داليا بصد@مة: ايه اللي حصلها قولي
