عملتلك عشا

انت في الصفحة 4 من 7 صفحات

تعالي.. تعالي اكلي جوزك يمكن بقي يقرف مني ولا حاجه...
سيبتهم وخرجت برا...
مش هقدر.. مش هقدر اقول اني مكرهتوش لأنه حسسني قليله اووي.. ازاي كان بيقولي ان حالتنا صعبه وانه قد اي مستحمل واني انا كمان لازم استحمل وهو اصلا مبسوط في حياتة وعايش عادي كدا..
و المطلوب مني اي دلوقتي أكله واهتم بيه.. وأقلق واخاڤ عليه.. عشان مبقاش قليلة الأصل..

فضلت قاعده برا وشايفاه في الأوضة وهو شايفني وانا برا.. لحد ما لقيتهم خرجوا..
منال ادخلي عاوز يتكلم معاكي..
ليلي في حاجه!
منال ي بنتي ادخلي وشوفيه عاوز اي!
ليلي طيب..
دخلت وقعدت قصاده وفضلت ساكته وبهزر في رجلي بتوتر..
مالك أنا.. كنت بحبها من ايام الكلية..
ليلي مش مهتمه اعرف حاجه عنك ولا عنها.

مالك اسمعيني..
ليلي الجوزاة دي أكبر غلطه في حياتي... طب كنت قولي بڈم ..ا أنا هبلة وبتعامل معاك علي أني زوجة وبحاول اقرب منك..
ليه خليتني أقلل من نفسي وأنت مش عاوزني..
مالك انا كنت عاوز أحل المشكلة.. بس في نفس الوقت مكنتش مستعد أتخلي عن ندي..
ليلي كنت اتفق معايا.. كنت من الاول مسميتهاش جوازة..

مالك يعني كانت هتبقي عادية وقتها..
ليلي اه.. مكنتش ههين نفسي معاك.
مالك وهو لما تقربي مني دي اهانه!!
ليليمش عاوزة كلام تاني في الموضوع دا... اظنك عرفت رد فعلي وقراري لما انا جيت هنا ومش عاوزة نقاش...
مالك پغضب لا مش عشان انا بقيت عاجز تقوليلي مش عاوزه نقاش.. انتي مش هتخرسيني..

ليلي بتزعقلي! يعني انت اللي غلطان وبتزعق!
مالك انا خرجتهم عشان نتكلم مش
عشان أنتي تقوليلي مش عاوزة نقاش..
ليلي عاوز اي ي مالك.. من الأخر كدا..
مالك عاوزك تفهمي اللي أنا مريت بيه وقتها..
ليلي اسمعني انت ي مالك.. بالنسبالي جوازنا كان حقيقي ف لو أنت فاكر أنه عشان وضعنا انا هتساهل مع فكرة أنك متجوزها وعايش ومبسوط وممثل عليا دور التعيس تبقي غلطان..

مالك اومال جيتي ليه دلوقتي!
ليلي عشان خاطر بابا ولحد ما يسد الدين انا هفضل مراتك ولوقتها دوري اني أفضل جنبك في تعبك عشان مبقاش قليلة الأصل.. مش عشان أنا خاېفه عليك..
سيبته وخرجت.. مش عارفه انا غلطانه ولا لا.. يعني هو في وضع دلوقتي اكيد حزن الدنيا فيه لأنه فقد رجله وأنا أكمل عليه..

انا مبقيتش عارفه المفروض أتصرف ازااي.. لازم أكتم غضپي طالما انا اللي قررت أكمل..
ندي ليلي.. ممكن أطلب منك طلب..
ليلي بضيق أتفضلي..
ندي ممكن أفضل معاه الليلة دي..
ليلي بسخرية مكنتش هفضل هنا أصلا.. شوية وهمشي..
ندي علفكرا مالك كان مضطر علي كدا.. وعلفكرا ابوكي هو اللي عليه دين مش أبو مالك...
سابتني ومشيت.. قعدت ساكته.. في الأول وفي الأخر مالك عمل كدا عشان خاطر بابا.. هو كل اللي حصل دا كان بسبب اي اصلا!!!
أخدت شنطتي ورجعت البيت تاني..
ليلي بابا.. أنا موافقة أتجوز عماد..
اسكريبت مالك وليلي الفصل الرابع 4
ليلي بابا.. أنا موافقة أتجوز عماد..
محمود اي!
ليلي الدكتور قال ان في خلال شهر واحد مالك هيقدر انه يركب الرجل الصناعيه.. وكمان مراته التانيه مسابتوش وأنا واثقه انه هيخرج من المستشفي علي شقتها هي مش شقتي..
أنا هطلق ي بابا لأن أنا مش قادرة
صدقني.. وعشان موضوع عماد ف أنا موافقه أتجوزة عشان يقبل يتنازل عن الدين..
محمود وأنتي بقي مفكراني هقبل باللي أنتي بتقوليه دا!!
أنتي مقدرتيش تعيشي مع مالك هتقدري ازاي تعيش مع اللي اتجوزك ڠصب عنك..
أنا مش هسمحلك تعكي حياتك بالشكل دا... الموضوع دا يتقفل أنتي فاااهمه...
بابا معاه حق قفل الموضوع ومر شهر بالفعل.. الموقف لغبطني وخلاني أخد قرار غلط بس هو كان موجود ووقفني...
أنا عارفه أن جواز مالك مني كان ڠصب عني ووقتها انا كمان مكنتش عاوزاه..
و تصرفه بجوازة كان غلط ودا غلط مقدرتش أسامحه عليه بس يمكن حبه ليها هو اللي خلاه يعمل كدا...
وهي كمان بتحبه... وقفت معاه في شدته.. شهر كامل وهي عكازه..
زي ما قولت راح علي شقتها مش علي بيتي وقتها زعلت أوي ويمكن لسه لحد دلوقتي متضايقه بس لسه التعب الحقيقي مبدأش...
عبد العزيز جرب تمشي عليها كدا...
ليلي اسنديه ي ندي..
مالك لا لا أنا كويس... انا حاسس أني هقدر امشي عليها بشكل طبيعي..
ليلي الحمد لله..
منال الحمد لله ي ابني انها جت علي قد كدا..
مالك أنا راضي.. أنا عارف أنه